| Description |
Transcription (Lu Hkawng)
Ya ngai tsun na maumwi gaw dinggai lahkawng na lam re. moi shawng de dinggai lahkawng gaw da, Shan lahkawng gaw bum langai hpra di yi galaw sha ai da. Dinggai langai gaw oh ra hkran bum de galaw dinggai langai gaw ndai bum de galaw re shan lahkawng na lapran kaw gaw hka shi langai mi nga ai da. Dai hku re she shan lahkawng gaw yi yup yup yang mung arau, wa yang mung arau dai hku re da. Shan lahkawng gaw yi yup yup tim arau wa tim arau dai hku galaw re ai she, lana mi na gaw dinggai langai gaw ''Yi ya ngai shi hpe'' htaw ra hkran na dinggai wa gaw ''Ya ngai shi hpe sha ga na kun ngu yang mung ngai dai na yup na ngu myit ti na nta kaw na sa wa ai gaw re ai wa dai na ngai yup n byin ai, rai tim ya shi hpe shaga yang mung jan du mahka rai yang gaw nam de gaw hkrit ra n mai marawn hkat ai'' ngu na dinggai langai gaw zen ti na n marawn ai sha wa mat ai da. Nta de wa mat re she, shi gaw nta de du mat wa sai. Dinggai langai bai rai jang gaw shi gaw nga taw nga sai yup ai htaw ra jan sa wa na re ngu na dai hku myit shi gaw htauli htaula mung bai n nga rai jang gaw shi gaw shana wa she, ''E ning.. e ning'' ngu shaga taw ai da. Htaw hkran de shaga re ''Ning e nang nan de rai wa rit'' ngu htaw de gaw dai shi na manang jan dinggai gaw n nga ai da. Nta de wa mat sai n nga re shi gaw shaga re she, bai shaga ''Ah ning ah ning'' ngu yang she ''Oi ye..oi ye'' ngu htan wa sai da. Htaw kaw na htan wa jang she ''E ning e nang dai na ngai hte nang kaw yup ga le nang, nang hkran rap wa rit le'' ngu tsun she, ''E lo rap wa na rap wa na'' ngu ai da. Rap wa na ngu ai da. ''E lo.. e lo.. rap wa u'' ngu ''Deng gaw nang dai na nang kaw yup ai nga yang an lahkawng rau yup ga shat ma nang kaw sha shadu sha sa ga dai majaw na yi kaw na dai hkahkum lap loi di ti na nang de yawng wa u oi'' ngu na tsun ai da. Tsun ai she htaw Hpau Lum Htu htaw ra hkran na gaw Hpau Lum Htu rai sai, shi na manang dinggai n rai sai, ''E lo di wa na, di wa na, la taw u, di wa na'' ngu tsun ai da. Di wa na ngu tsun yang she, jahkring re yang gaw htaw ra kaw na wa di wa sa, Hpau Lum Htu wa she shana rai yang wa sai da e, dai dinggai na hkrang galaw ti na she, moi na ni gaw nat ni hpa ni mung shi na hkrang galaw la mai ai. Hpau Lum Htu dai wa wa sai da. Hkahkum lap dai hpe di ti kara kaw wa she, kara kaw she dai hkahkum lap ni gyit noi lang ti na she (let) ti na le wa ai da. Shang wa rai yang ndai jan gaw chye sai yi ndai nye ning n rai sai ngu ai gaw chye ai da. Rai tim shi gaw hkrit ai majaw shi gaw galaw na hkrit ai majaw ''E ning shat shadu sha ga'' ngu na shi gaw shat shadu sai da. Shat shadu ti na she, shat shadu ti ning shat sha ga ngu na woi sha, shat woi sha ai shaloi dai shaloi dinggai dai wa zen ti na, magri lahkawn lawan wan raw la ti na wan mang kaw ju tawn da ai da. Magri lahkawn wan kaw ju da yang she, shat lawan sha nna ''E ning ya yup ra hkyen da sai oi nang shat sha ngut yang nang kaw galeng magang u'' ngu na shi gaw yup ra mung hkyen da ya re she jahkring rai yang gaw dinggai dai rai jang gaw dai kaw magri dai ju da, Hpau Lum Htu rai jang gaw yup taw magang u yaw shi gaw yup ra kaw n-gup wa mahka ti yup taw ai da. Dai she dai dinggai gaw shi na lata lahkawn ju da magri dai hpe lawan wan la ti na shi na n-gup kaw wa bang dat ya ai da. N gup kaw bang dat ya re she, Hpu Lum Htu dai wa grai marawn taw ai shaloi shi gaw mare de hprawng ai da. Lam ting tsun ai da. Hpun ni hpe ma hkum tsun, ''Dinggai langai n lai wa ai i nga yang n lai wa ai n lai wa ai'' ngu sha tsun ya mu yaw ''Dinggai n lai wa i'' nga yang ''N lai wa ai n lai wa ai'' ngu sha tsun ya rit yaw yawng hpe htet kau da, mare langai lai re nna mare kaw du sai da. Dai wa she shi wa lakang hpe mung yawng tsun da sai da. Dai wa she htum langai hpe wa shi n tsun da ai da. Htum htu sha bum ga htum htu sha htum hpe she n tsun da ti she, shang mat wa re she, shi gaw dai kaw wa shang ti na masha grai yup taw ai lapran kaw shi wa yup kau re she, wa yup re jahkring rai yang gaw Hpau Lum Htu dai wa hkan nang wa sai da. Tam tam tam re she, kadai mung n mu n mu ngu she, htum wa she ''Ya sha nang hku lagat lai mat wa sai'' ngu tsun ai da. Hpau Lum Htu wa dai kaw shang wa ti ''Lum, katsin, lum, katsin'' ngu wa tam la nna she katsin ai mahtang hpe she garawt ti sat kabai kau ai da. |
