| Description |
Transcription (Lu Hkawng)
Moi shawng de lagawn ai num langai a maumwi ngai ya hkai na re. Moi shawng de lai wa sai ahkying aten ni da, num langai mi nga ai da. Grai lagawn ai da shi gaw hpa galaw mung n kam, hpa galaw ga ngu tim, "Ngai hpe masha ni jaw sha na ra ai." ngu na, oh lam she hkan e dai hku sa kra da. "Ya ndai kaw lai wa ai ni, ngai hpe jaw sha na re." ngu na sa kra, rai yang gaw dai kaw bai la yu yang n lu sha rai jang she, kagyin hku hku ai da. Dai kagyin hku dai kaw bai sa la nga sai da. Ndai kagyin ni ngai hpe jaw sha na re ngu na bai sa la nga. Raitim, kagyin ni mung n jaw sha. Oh shara magup kra hkrai kra hkawm nna, kadai mung hpa n jaw sha, kadai mung hpa n jaw sha rai jang gaw shi gaw kaw si nna she "Ngai gawa gam rawng ai jan re, gaw." nga na dai hku la hkrai la, hkap hkrai hkap hkawm tim, kade mung n jaw sha, kadai mung n sa jaw, moi gaw kagyin ni hte mung ga hkrum sam sai goi. Kagyin ni mung n jaw sha rai jang e, shi gaw nau kaw si mat na she, dai lam maw kaw she dai hku kra na, kra si mat ai da. Rai jang gaw, grai manam ai, ya anhte ni htaw nam ga hkan e, bum ga hkan e hkawm yang ndai rai jan ja hpa rai yang hkawm sa yang ahpu nga na manam jang e, "Chye! htwi, ndai moi na masha num jan, lagawn chyasi num jan kra si ai re, ndai grai manam ai." ngu na mayen mahtaw na anhte ni, moi na ni woi lai wa wa rai ma ai. |
