| Description |
Moi shawng de da la langai mi gaw da grai lagawn ai hpe num grai shawp ai 2 hpe la da ai da. Shi gaw dai num langai mi gaw grai tsawm ai le i grai shawp ai jan gaw bungli grai galaw grai shawp ai jan gaw da grai ntsawm ai da. Re yang she oh ra grai lagawn ai jan gaw grai tsawm ai le, grai tsawm ai majaw ma shi gaw grai lagawn ai le dai hku nga nga re yang she retim mung dai madu wa gaw i ndai bungli shawp ai wa hpe gaw shi le galoi ma mara sha tam ai le, lani hte lani mara sha tam, ndai lagawn ai jan hpe gaw shi rau yep yep sha woi hkawm, tsawm ai re nga she ohra jan sha bungli galaw yi galaw, dinghku hpe yawng shi dai hku galaw galaw re nga re she, lani mi na gaw da shan 2 hpe bai shingjawng shangun ai da. Madu wa gaw nre i dai num dai yen hpe she ri ri shingjawng shangun ai le, nan 2 hpe gai ya ndai bat laman i nan 2 kadai wa grau grak ai, ohra wa gaw ndai shaprai chye ai le, oh ra lagawn ai jan gaw nre i, kana jan galaw da ai num kaba ngu na kana jan galaw da ai hpe shi gaw galoi ma hkang shaprai ai majaw madu wa gaw shi hpe sha kaja mu wa ai le, re yang gaw nan 2 shingjawng yu mu, nan 2 kadai wa grau grak ai kun, kadai wa grau shawp ai kun ngu na me shingjawng shangun ai da. Ri ri shingjawng shangun ai, dai grai shawp ai jan ai gaw nre i, ri hpe lawan lawan ri le i, deng gaw ri gaw nau n kaji ai loi mi ri gaw pasi ri hte le pasi hte ri ri na she kalang mi lahkawn na shingnoi kaw bang da, bai bang da di na she shingnoi kaw wa hpring hkra re le i dai she, oh ra lagawn ai jan gaw n lu ri ai le dai she shi gaw dai hpe sha shatsawm, shatsawm re na ri hpe wa shatsawm na kaji kaji sha di na she shatsawm da jang gaw shi gaw ri hkaw langai mi sha lu ai da. Ndai ri gumdin ai ndai shayit langai sha lu kaang kaw bang she, lana mi na gaw da shan 2 yen hpe madu wa gaw shaga la ai le, gai rai yang da nan 2 hpe ngai ga sadi da ai dai ni n htoi hpring sai re majaw da dai ni ngai kaw madun wa yu rit ngu tsun ai da. Madun wa yu rit ngu tsun yang she oh ra grai shawp ai jan gaw shi na ri hkaw yawng hpe le maw ngai gaw n dai hte sha lu ai ngu na rut di dat yang she sumpum mi ting re ai da, sumpum mi ting re yang gaw, oh ra langai mi gaw i shi gaw 1 sha re majaw ngai gaw n dai ma ngai gaw ndai ma ngu na dai ri hkaw dai hpe sha bai bang bai shaw i, grai law ai (pong san ) le ngai gaw ndai ma ndai ma nga she shi na ri rai jang yang gaw tsawm gaw grai tsawm ai rai re yang, lani mi gaw dai da da ai shaloi she madu wa gaw ndai ri tsawm ai wa da ai hpe sha ra ai le i, retim da yang ma tsawm na re nga, retim oh ra jan gaw n ba galai law law lu ai le, law law lu da na she n ba galai law law lu ai re jang she nre i, reitm mung shi hpe mara bai tam ai le, dai num kaba jan hpe gaw mara tam na she na na dai zawn zawn shinggra ri zawn, shinggra ri ngu gaw ah she ndai nga sumri rit ai baw le i, (shaw kyo) lay nang gaw dai (shaw kyo) hte bung ai. (Shaw kyo) hte bung ai nang na ri gaw hpa ntsawm ai ngu na she na na n ba mung dai shinggra nba i, dai hpe tsun dat ai da. Dai re jang she lani mi da da re she shi gaw n ba nnan ni lu da hpun sai le, ri grai law ai re da she, shi hpe mara tam na she gayet dat ai da. Gayet shachyut dat yang she dai shani kaw na gaw n kam shakut sai le, dai num kaba jan gaw myit htum na shi hprawng mat ai da. Hprawng mat re yang gaw lani mi gaw num dai gaw lagawn yang gaw shanhte hpa n lu n sha wa ai le, hpa n lu sha wa re yang gaw e hpa nga timmung ndai num gaw grai shawp ai she re gaw shi hpe naw hkan la yu na re sam ai ngu na hkan tam hkawm mat wa ai da. Dai she yi langai mi kaw madu wa gaw pru ai le, pru yang she shi gaw san ai le, ndai de shinggra nba hpun ai num langai mi hpe n mu dat ya ai i ngu na san ai da. Dai san dat yang she oh ra ni gaw nre i, shinggra nba hpun ai gaw n mu ai, pasi nba nna hpun ai num langai mi chyawm tsawm tsawm hpun na lai ai gaw mu ai ngu tsun dat ai da. Aw dai hpe mung n ba nnan she re nga hka ngai wa grai myit shut sai re ngu na dai shani shi gaw grai myit malai lu mat ai da, retim shi dai hpe gaw nlu la ai da. |
